flow like a river
fly like a bee
follow where the wind blows
grow like a tree...
swim with the fishes
deep in the sea
live with all your wishes
be what you want to be...
Gusto kong sumulat, magkuwento, magsalaysay, komundena, bumatikos, pumuna, magpayo, magtanong, magbahagi at humingi ng konting kaalaman at nalalaman, mahilig akong sumulat ng kwento, nang awit, nang tula,kumuha ng larawan, tumugtog ng gitara, nais kong magbigay ng kahit na maliliit na impormasyon upang makatulong at maging inspirasyon. Isa akong tagahanga, na may mababaw na kaligayahan, malimit na mapanganga at pumalakpak, maiyak kahit na sa simpleng bagay lamang, iyan ako at ito ang blog ko.
saranggola
Hinaharot ang langit at sa ulap humahalik
Sumasayaw sa tono ng hanging umiihip
Dinidigahan ang pisi kung saan nakakapit
Mga kamay ng musmos at batang paslit
Naglalayag doon sa may kaitaastaasan
Kaibigan nang araw, katunggali ang ulan
Kasabwat ay ang hanging habagat at amihan
Sa lipad ng maya’t pipit nakikipag patayugan
Ngiti ang idinudulot sa matanda’t musmos
Kaligayahang natatamasa’y labis at lubos
Nakakaligtaan ano mang uri nang unos
Kapag sa himpapawid ikaw ay dumausdos
Sa paglubog ng araw at pag sapit ng gabi
Walang hinihiling kung ‘di oras ay dumali
Upang sa kinabukasan ay ma malas na muli
Matayog na lipad ng burador na malandi
Subscribe to:
Posts (Atom)