para kay "INA"

 isang tula para sa aming lola -photo :
Landmark Hotel Ajman
April 26, 2012

Wala nang mga bagay pang maisusulat

Alin mang diksyunaryo’y di sasapat

Kung iisa-isahin at ilalahad pang lahat

Katangian nang nag-iisa naming alamat

Kapos ang mga salita para sa iyo

Lampas langit, di magkakasya sa mundo

Ang pag-ibig, mga papuri at respeto

‘Di lang ng kaibigan, maging ng ibang tao

Mga  buhay ay sadyang nag kulang

Mula nang ikaw sa amin ay lumisan

Balikat na sa tuwina’y siyang sandigan

Sa aming pighati at mga kalungkutan

Hindi man tayo muling magkita

O mayakap ka at muling makasama

Dalangin namin na ika’y mapayapa

Sa langit, sa piling ng ating manlilikha.